المساعد الشخصي الرقمي

مشاهدة النسخة كاملة : عنبر كل المشوكشين بالمنتدى .... يا [you] ابكي لينا هنا


الصفحات : [1] 2 3 4 5 6

انس محمد حسن
04-18-2010, 11:04 PM
باعتني لأول مشتري وبأ بخس الأثمان.. هذا قدري وأنا أؤمن بالأقدار، ولولاها لما أحببتك، فكما يقولون (الحب أعمى)


مرحبا

يللا يا المشوكشين تعالوا لي بي هنا و انا اعدل مزاجكم بي كم غنية كدة

تنسيكم الحب وسنينو و تفرغو يا عيني احساس الاضهاد المدفون جواكم

و ما تخافوا سركم في بير

بس انتوا اتعاونوا و نزلو معاي كمان احاسيس المشوكشين عشان تفيدوا وتستفيدوا غيركم من فئة المشوكشين والكلام ليك ...... يا ... ما حقول اسمك لكن اول اسمو عبدو واخر اسمو ادريس ولا خلوها في سركم ..

ونلتقي

احمد سردوب
04-18-2010, 11:16 PM
من عرفتك كنت حاسس الزمن لي ما بسيبك ... وكنت حاسس رغم ريدي إني زي الما حبيبك ... والزمان العارف مصيرنا حقو لي ما كان يجيبك .

احمد سردوب
04-18-2010, 11:17 PM
والليله كيف اصدقك وانت النسيت بيناتنا وعد
ودرت عمري وإزدهيت وبقيت عنيد وإزددت صد
وخليتني بالوعد الجميل خليتني آخد القصة جد
والليله لو وعدك صدق بينا الفوارق واقفه سد

احمد سردوب
04-18-2010, 11:18 PM
شـن تانـي باقـي من الكـلام ؟؟ بيناتنـا غيـر صـ م ـت الاسـف

مـاتت خـــلاص الأمنيـات

وآخـر شـي بيناتنـا اتنسـف !!

مـا انت مـا قـدر الشـ ع ـور

الكـن ليك قلبـي الـ ن ــزف ..

احمد سردوب
04-18-2010, 11:21 PM
الحمد لله الما مشوكش ..
يللا ياناس حمزه
ومصطفى وعبده ورونا
قصصكم بدون خجل ..
وأهو الواحد يستفيد منها
ذاتو عشان ما يتشوكش

م. أنس / جيب أضانك
وس وس وس
بيني وبينك اخدت كم
شاكوش .. مابكلم زول

الحبوب
04-19-2010, 12:11 AM
احمد جيب اضانك ده موضوع قديييم من سنة
ما تكلم زول 1995‏


عشان البينا يا ظالمه حني علي وناديني
قلبي جريح ونازف دم ومين غيرك بداويني
‏*‏*
امنتك قلب رياد تقولي بشيلو في عيوني
هموم الدنيا جيبتيها وبنار الفرقه تشويني
حرام الشفتو والله حرام في كلمات تلوميني
‏ كلام اصلآ هو ما بهمك ولو هماك بتنسيني
وما بتنسي الحصل منك اترجيت جهلتيني
اتحيرت من ظنك ويا ما كتير ظلمتيني

الحبوب
04-19-2010, 12:17 AM
يا احمد سمحه قصيدي وللا سمحه ستها الظالمه ولو صعب السؤال عليك حولو لي استاذ مصطفي رايك شنو هاهاهاها

احمد سردوب
04-19-2010, 09:35 AM
سمحه القصيده
ولو ماستها سمحه
ماكان اتكتب فيها كلام
سمح كده ياحبوب .. وبرضو
بحول السؤال لي مصطفى :)

الازهر يوسف عثمان عكاشه
04-19-2010, 09:46 AM
عميد المشوكشين
والله المستعان

محمد الطاهر
04-19-2010, 10:13 AM
اعانكم الله ايها المشوكشين !!!

حسن المهلاوي
04-19-2010, 10:23 AM
واحد صاحبنا

ودفعتنا كمان

أولادو كبرو ....وفيهم ناس اتزوجو

قالي إنو ماخد شاكوش قبل تلاتين سنة

والجَرٍحْ بِرَا

لاكين كلما يشوف الزول الضربو بالشاكوش

قلبو يووجْعُو لما يكورك آآآآآآآآآآآخ

الطيب ابوقرون
04-19-2010, 10:47 AM
ياكافي البلا
والله يا مولانا خوفتنا تب
30 سنة ولسة مابقى كويس!!!!
كدي أتأكد منو إحتمال يكون دا
شاكوش حديد صح صح..!!!
ويامحمد الطاهر أعمل حسابك
وركب ليك قرني إستشعار.
الشغلة دي صعبة تب وما بتتقابل ....!!

أبو عبد الله الكاهلي
04-19-2010, 09:13 PM
يا ساتر أستر اللهم أرحم المشوكشين وأبدلهم بخير مما أخذت منهم

احمد سردوب
04-19-2010, 10:23 PM
بسيبك للزمن باكر
يكشف ليك عن المستور




تعرفي اني زول عادي
بعيش ايامو زي عصفور





ماعندي ليك جنات
ولابملك حرير وقصور



ماعندي ليك جنات
ولابملك حرير وقصور


بس املاكي في الدنيا
قلب مليان حنين وشعور

احمد سردوب
04-19-2010, 10:26 PM
أبيات عزاء للحبيباتهم
شوكشوهم وباعوهم
بسبب القروش

مصطفي علي
04-22-2010, 01:18 AM
علي قول عادل إمام في
‏"‏ شاهد مشافش حاجه "
هو أنا إسمي مكتوب ...؟
طيب
أولا بالتبادي أنا ح أبكي ليكم شديد
و ح أبكيكم معاي
دحين من هسي ال قلبو رهيف
يجر شخيتو
و هأقول كل الشواكيش اللي أخدتها
و أكيد ما راح أنسي الصورة
اللي عاشت 5 سنين في ضلفة الدولاب
بالمنافسه دي واحد يجي يغني
لينا أغنية خمسه سنين
ل محمد الأمين
هسي أنا بمشي و بجيكم راجع
باكر الصباح البدري الضهر
الشمش مايله للمغيب
أرجوني ثمح
برررب

عبده إدريس
04-22-2010, 03:54 AM
أيوااااا .... يا مدير بقيت بتاع شمارات مش .... وكمان داير تتم الناقصة وتثبتها علي .... اممممممم ..... كويس يا زول .... أنا بقول العندي .... وابشرك التأليف ساااااااهل ... اثبت إنت

مصطفي علي
04-24-2010, 12:28 AM
هاهاها
أنا و إنت يا عبده
أقول ليك حاجه
تعال نفتو و نحكي شواكيشو كلها
أنا غايتو العارفو إنو هو
ماخد ليهو واحد
قرب يركبو التونسية
و وقعت عليهو القصة :
في الليله ديك
القصه ذاتا بقت عليك
يا إنت وأدوك الشريط
يوم قلنا ليك :
أنضم معاها و حدثا و شوف البكون
إنشاء الله خير
أبيت تسمع كلامنا وبقيت لميض
قال :
أنا ما تقيل .. أنا ما جميل
باكر بعد باكر بكهربا ليكم بي نظرتي كتيل
و بقيت تقيل لامن سقوك موية الغسيل
‏*‏*
المهم بعد ما أخد الشاكوش
‏*‏*
ودموعو سايلات بالصفوف
و شرايطو تلمع في الكتوف
بقي فيلسوف
شئ كلام عن الدنيا ام قدود
و علاقة بين يوم السبت وعين الحسود
و مفارقات بين الجمل والجهل وسوء الإختيار
قال شينة قال
قلنا دا كلام صحيح
و خطيبا زاتو ولد قبيح
بس يأخي قوم
الواطه صبحت دايرين ننوم
‏*‏*
و الله النعاس كبس
بجيكم تاني باكر صادي
أرجوني آآ زينين

مصطفي علي
04-25-2010, 01:37 AM
شاكوش رقم "1"
طبعا القصه طويله
أخوكم كان بحب ليهو بنية سمحه
و الله كنت لما أشوفا
أمشي موية كلي
و أرجف ‏... و قلبي يدق وينتل جنس نتلي
أتقول داير يطلع برا صدري
وحاتكم يا غالين الكلام يغلبني كلو كلو
و أحناكي تكركب ساهي زي الزول البردان داك
و وكتين تقول لي : سلام
يغلبني تب أقول شنو
بس أمد يدي
و العوارة ال في الدنيا كلها تجيني في الوكت داك
علي بالطلاق البت سمحه جنس سماح
سماحة تحرق في المصاريق
و تسبب ليك أكوله في قلب و يغلبك تحكها
زي الزول ال عندو عوراه ودايره
تبرا يغلبو يحكها و للا يخليها
ريقي نشف و أنا بكتب في الكلام ده ...
المهم يا الحبان
أخوكم كان متوك جد
و حبيت من جوه قلبي
و قدر ما حاولت أخفي ريدتي ليها
ما قدرت
و صارحتها بمكنونات قلبي
و قابلتني بالقبول
....‏ كانت الدنيا حلوه ....
و ملأت دواخلي السعاده
و تغلغل الفرح الطاغي بقلبي
و
تاني يوم لاقيتا الصباح
قالت لي : صباح الخير
مشتاقين ..
أحيييييي أنا
غلبني أقول شنو
‏<‏< يا سيدي الحسن تنجدني >>
أخيرا قلت ليها :
صباح الورد والياسمين
علي ناسا ملايكه علي الأرض ماشين ..
‏*‏**
طبعا الزمن داك
أنا حفظت كل أغاني الحب والغرام
و ...
‏<‏<<<<< يتبع ......

مصطفي علي
04-29-2010, 01:43 AM
تلقوني مرات أغني :
أساسق بالدريب الجايي بحداكم
و شيتا :
جيت لقيت باب الغرام فاتح دخلت
و من شراب الريد نهلت
و مرات :
إنتي وأنا من حقنا
نفرح نطير زي الفراش
لمكان بعيد مازارو زولا قبلنا
و :
صدفه وأجمل صدفه أنا يوم لاقيتا
أسعد يوم .. يومي الحييتا
نور عيني ياما حبيتا
‏*‏**
المهم صاحبكم واقع لي إضنينو
و غرقان في الحب
طبعا أول مره يحب
و الدنيا ورد وزهور
‏*‏*
حرررم تلقاهو يساسق جنب بيت ناس فلانه
و ما جايب للدنيا خبر
همو بس يشوفا و يرجع مبسوط
‏>> معليش يا أخوانا طولت عليك
بس كنت عايز أنداح حبه <<
و ما بقيت تقيل
لكن برضو شربت موية الغسيل
‏*‏**
أنا من قبيل بنطط جاي و جاي
و ما قادر أوصف لحظة الشاكوش
المهم يا حبايبي
من لحظة الشاكوش
إسبوعين ما كنت فاهم شئ
آه .. آه بدأت الدموع
تنزل من عيوني
أنا مضطر أقيف هنا
بجيكم باكر أتم ليكم باقي الجراح
زقاق : ما تبكوا يا أخوانا
عادي ما في حاجه
أنا بس حأقرأ قرآن هسه
و برجع كويس و تمام

احمد سردوب
04-29-2010, 01:50 AM
وانا بقرا قلت ده عوض جبريل
ولا شنو !!
واصل واصل يابوصطيف

مصطفي علي
04-29-2010, 12:04 PM
هاهاها
والله يابوحميد
د: طارق ياهو أستاذنا
و الكلام بجي براهو
بدون تذويق وتنميق
أخي احمد
لك وردي
قبل ردي

مصطفي علي
05-01-2010, 01:38 AM
تلللل بوووم
طااااخ طرااااااخ
من اللحظه ديك
مسكت دربي عديل
بقت صلواتي كلها في الجامع
و قرآن و سويت لي سبحه كمان
المهم يا الحبان
من ما أخدت الشاكوش
بقيت أسمع لي عبدالرحيم أرقي
مرات أغني :

حبي ليك كان زادي كان جوه الحنايا دفين
كنت بضاري من الناس وخايف عليه من العين
‏*‏*
و ما قايلاك بتلعب بي تعيش اللحظه بس والحين
و ما قايلاك حبيب آلاف و قلبك قبله للضالين
و ما قايلاك تنسي حبيب صبر راجيك سته سنين
كيفن هان عليك تنساهو زولا كان عليك حنين

‏*‏**
و مرات كمان بسمع أغاني
الطيب جرح أقصد
الطيب عبدالله :
يا المصيرك تنجرح بالسلاح البيهو مره جرحتني
أنا كنت بمشي علي أمل
كان سراب كان بيهو يوم فرحتني
‏*‏**
علشان هواك لو كنت بعلم
أنا كنت برتاح للألم
باكر مصيرك تنظلم
يا العمرو قلبك ما إنظلم

و شيتا :
في الليله ديك
لا هان علي أمشي وأسامحك
و لا هان علي أعتب عليك
‏ ‏
شلت الجراح و الإبتسامه
و كل حرمان اليتامي
بالواضح كده أي أغنية فيها جروح
و آلام أنا كنت بسمعها
عشان بتخلي دموعي سايله طوالي
طبعا أصحابي بيجوا يلقوا الدموع
سايله و الصمت يعم المكان
سوي صوت المسجل
طوالي بيعملوا " خلف دووور "
المهم يا الحبان
إنشاء الله ما تشوفوا ال شفتو أنا
و البت هسا متزوجه و ربنا يسعدها
و يهنيها بجوار زوجها
حقيقه زوجها زول فاهم و ممتاز شديد
علي العموم
بي كدا بكون خلصت حكاية الشاكوش الأول
و أي زول عندو إستفسار أو سؤال
أنا جاهز للرد
بس علي شرط بدون ذكر الأسماء
يلا أنا منتظركم قبل ما أبدأ في ‏
الشاكوش التاني

ابوهاجر
05-01-2010, 11:42 AM
الاخ انس مشكور كتير على فتح عنبر الآلام ، سؤال ليه ما داير تخلي الناس تنسى ؟؟؟

اخونا وحبيبنا مصطفي ، لك التحية ، ليك مدة ما بنتا وانا غائب كنت، حمداً لله على السلامة ، والله سؤال بريء جداً بعد قصة الشاكوش الاول دا هل كانت نفسك فاتحة لقصة تانية وشاكوش آخر ؟ وما الحب الا للحيبيب الاول .
لك ودي وتقديرى

مصطفي علي
05-06-2010, 05:42 PM
و الله يا ابوهاجر
قفلت نفسي من الحكي
و أنا بعتذر إن كانت القصه
قد لمست فيك وترا حساسا

الحبشي
05-06-2010, 06:13 PM
سيلته دموعي يا ابوصطيف


الزول يشوف الشواكيش دي يحلف لمن يموت ما يحب


يشوفلي بنيه حلوه ينسى انو حلف زاتو


قايتو جنس مصايب

الحبشي
05-06-2010, 06:23 PM
س1 : بعد الشاكوش دا ناوي تحب تاني


س2 : البنيه دي لسه بتحبها ولو بتحبها حبك ليها كيف _ زي الاول ولا زاد ولا نقص


س3 ‏: لو لا قدر الله اطلقت _ حا تتزوجا تاني _والى ان نلتقي في شاكوشن اخر لكم التحايا

مصطفي علي
05-06-2010, 09:46 PM
أهلين الحبشي

س1 : بعد الشاكوش دا ناوي تحب تاني
قول لي حبيت كام بعد الشاكوش ‏..‏!‏


س2 : البنيه دي لسه بتحبها ولو بتحبها حبك ليها كيف _ زي الاول ولا زاد ولا نقص


يا زول أحبها شنو
أنا أقول ليك إتزوجت
وليس بيننا سوى الإحترام


س3 ‏: لو لا قدر الله اطلقت _ حا تتزوجا تاني _والى ان نلتقي في شاكوشن اخر لكم التحايا


لا لو إتطلقت
ما راح أتزوجها
لأني حبيت واحده تانيه
و ما تسألني عنها أو ...
و الله المستعان
[font="arial"][size="5"][color="blue"]
شكرا حبشكو
إتخايل لي مفروض إنو
أنا أقيف أسمع شاكوش
واحد من الأعضاء

د.محمد سعد ابوقرون
05-06-2010, 09:52 PM
وما منكم من أحدا الا واردها كان على ربك حتما مقضيا...منكم من أخذه ومنكم من ينتظر وما فى طريقه..اللهم لا نسألك رد الشاكوش ولكن نسألك اللطف فيه...

وكما قال ترباس رأعى حرمانى وأخشى عامل السن...والشاكوش ذى أمراض الطفوله السته ...متى ما أصيبت بها أما مت أو أصيبت بإعاقه دائمه..أو شفيت لو أسرع بك الى الطبيب....وعشان كده أحسن ليك تحصن نفسك كويس

الحبشي
05-06-2010, 10:18 PM
هاهاهاها ابوصطيف ولله تلقاهم كلهم مشوكشين لكن خجلانين ساهي ‏... منو البقوليك فلانه ديك شوكشتني اي واحد يدوهو شاكوش بقول انا الخليتا

أيمن الفيلسوف
05-06-2010, 11:14 PM
يلا يا مصطفي خش لينا في قصة الشاكوش التاني
انا متابع معاك بشغف

مصطفي علي
05-07-2010, 12:44 AM
الحبشي و الفيلسوف
تسلمو حبايب قلبي
بس يا أيمن
أنا عايز راجل يجي يحكي
اول شاكوش ليهو
بعد داك أنا بكتب شاكوش رقم 2
بالمناسبه دي
أنا طبعا قبل الشاكوش الأول
كنت بحب لي واحده
و مافي زول عارف الكلام ده
و لا حتي هي
بس كمدت ريدتي في قلبي
و ما حدثت زول
و لحدي الآن بريدا شديد
إنسانه فاهمه وممتازه وثمحه
وفيها كل الصفات الجميله
بصراحه من شدة ما بحبها
رفضت أصارحها بحبي
لأني أنا زول تعيس
و خايف ما أسعدها " من ناحيه ماديه "
و الله بدعي ليها من جوه
قلبي إنو ربنا يسعدها في الدارين
زقاق : أحمد سردوب
مافي زول غيرك عارف
و الله إنت الوحيد اللي عارف الحته دي
أوع تكلم زول
بالجمبه :
أيمن يا غالي
الشاكوش رقم 2 لسه مجهجه
إحتمال آخدوا و إحتمال لا
ربك كريم بيهون القواسي
و تراني صابر مستني الفرج
هامش : أدعوا لي معاكم
إني ما آخد شاكوش تاني
بنقول يا رب

احمد سردوب
05-07-2010, 01:07 AM
هاهاهاه ماتخاف سرك في بير
يا ابوصطيف ,, صاحبك كوتموت أسرار
بسمع وبحفرلها وادفنها طوالي

مصطفي علي
05-07-2010, 09:52 PM
تسلم يا أحمد
ربنا يحفظك و يغطيك
و يسعدك و يتم مقاصدك يا رب
‏ ‏
‏ ‏
نقشه : عايزين زول يجي يحكي
لينا قصة أول شاكوش

أيمن الفيلسوف
05-07-2010, 11:33 PM
الشاكوس دا زي مرض البرجم لازم يجي للزول اذا ما جاهو صغير بجيهو كبير وكان جاء للزول وهو كبير بجهجو و بتعبو تعب شديد
‏ لكن انت يا مصطفي معقول برجمت اكتر من مره
!!!!!!!!
اكيد ما اتبعت طرق الوقاية الصحيحه
وبعد قصة شاكوشك الاول منتظرين قصة شاكوس السيد المدير انس وتاني انت تابع لينا مأسئيك وربنا يلطف بيك ويحمينا من هذا الداء الفتاك

حسام عبدو
05-08-2010, 01:48 AM
ولله الله يكون في العون يابوصطيف راسنا كلو مورم من الشواكيش وربك يصبرنا غايتو انا شاكوشي قرب يبرد بس خايف يدبل تاني عندك مضاد لي الشواكيش انتا حقو تدينا نصايح عشان نمشي بيها عشان ماندقس دي مجرد فكره انت رايك شنو؟ باقي في ناس عندهم صداع دايم بي سبب الشواكيش ارجو منك ان تعطيهم بعض المسكنات

احمد سردوب
05-11-2010, 12:27 AM
اللهم آمين ابوصطيف ..
وانت كمان ياغالي
بالجنبه :
كن كالمسمار لايزيدك
الشاكوش إلا ثباتآ ..


احمد سردوب
05-11-2010, 12:28 AM
ولمابدت لي انها لا تودني
وان هواها ليس عني بمنجلي
تمنيت ان تهوى سواي لعلها
تذق مرارات الهوى فترق لي

ابوهاجر
05-11-2010, 10:59 AM
http://www.abugroononline.com/vb/abugro/misc/quotes/quot-top-left.gifاقتباس:http://www.abugroononline.com/vb/abugro/misc/quotes/quot-top-right.gifhttp://www.abugroononline.com/vb/abugro/misc/quotes/quot-by-left.gifالمشاركة الأصلية كتبت بواسطة مصطفي علي محمد http://www.abugroononline.com/vb/abugro/buttons/viewpost.gif (http://www.abugroononline.com/vb/showthread.php?p=17715#post17715) http://www.abugroononline.com/vb/abugro/misc/quotes/quot-by-right.gifhttp://www.abugroononline.com/vb/abugro/misc/quotes/quot-top-right-10.gif
و الله يا ابوهاجر
قفلت نفسي من الحكي
و أنا بعتذر إن كانت القصه
قد لمست فيك وترا حساسا


http://www.abugroononline.com/vb/abugro/misc/quotes/quot-bot-left.gifhttp://www.abugroononline.com/vb/abugro/misc/quotes/quot-bot-right.gif
لاحول ولا قوة الا بالله ، انا آسف آسف آسف جداً ما كان قصدي انك توقف الحكي ،البوست خصص للفضفضه والترويح ، ونكأ الجراح ، فلك مني العتبى حتى ترضي يا ابوصطيف ، ويمكنني ان اسحب التعليق ، واحي فيك الاحساس المرهف ، مرة اخرى لك اعتذاري ، مع ودي وتقديري

حسام عبدو
05-11-2010, 11:35 AM
يابوصطيف ود اختك جاهو صداع من نصفي الشواكيش كشكشنا بي نصيحه نصيحتين

احمد سردوب
05-11-2010, 11:16 PM
لماناس تظلم مشاعر
حقو تبعد من طريقه
وترضي بالواقع مجرد
مافي أحلي من الحقيقه

القيصر
05-26-2010, 05:37 PM
و ارجع تاني للافكار السبتها من زمان بالحيل


ارجع تاني للوحده


بعدما ما نسيت انني وحيد


استرجعت ايام صبايا وزملاء الدراسه والجلسات السابقه


والونسه والعطله


بس دوام الحال من المحال


ها انا الان استرجعها كذكريات


الي متي ساكون علي هذا الحال


انني اصل الي مرحله اتمني فيها طيف


صديق وحبيب مخلص ابوح له بكل ما في داخلي


_______________________


(.............)انني اشكرك من كل قلبي اعرف مدي


حبك واخلاصك في صداقتي معك


ولكن هذه ليست الصداقه التي اطلبها


لقد تاسرت كثيرا بدموعك قبل اشهر عندما ابلغتك انني


سوف اهاجر ولكن


دوام الحال من المحال


انت معك حبيبتك


وانا ابحث عن صديقي وحبيبي


بين العالم


علي امل لقياه ولكن


اين ومتي


هذا ما ليس به علم


______________


سوف اهاجر واجعل لنفسي حياه ثانيه


ولكن انني اعشق وطني كثيرا


ساعود اجل ساعود


ولكن بشكل جديد


وحياه اخري غير التي اعيشها


سابح اقوي من ذلك


اجل اقوي من ما انا الان


واكثر حكمه


وساعلمك حينها ما بي الان ولكن


بعد ان تمر السنين

مصطفي علي
05-31-2010, 11:26 PM
اللهم آمين ابوصطيف ..
وانت كمان ياغالي
بالجنبه :
كن كالمسمار لايزيدك
الشاكوش إلا ثباتآ ..





لكن يا احمد بقولوا :
الضرب الكتير بفك اللحام
و العيار اللي مايصيبش يدوش
و قالوا كمان :
الضربه ال مابتكسر الضهر بتقويهو

مصطفي علي
05-31-2010, 11:37 PM
لاحول ولا قوة الا بالله ، انا آسف آسف آسف جداً ما كان قصدي انك توقف الحكي ،البوست خصص للفضفضه والترويح ، ونكأ الجراح ، فلك مني العتبى حتى ترضي يا ابوصطيف ، ويمكنني ان اسحب التعليق ، واحي فيك الاحساس المرهف ، مرة اخرى لك اعتذاري ، مع ودي وتقديري




يب يب يب
له ما تسحب شئ يا غالي
و بعدين إنت زول وناس شديد
و أنا بتكيف لردودك
و نحن البنعتذر ما إنت ياسيدي
ولك
أجمل التحايا النديه
المعبقه بالأهازيج الورديه

مصطفي علي
06-01-2010, 12:05 AM
يابوصطيف ود اختك جاهو صداع من نصفي الشواكيش كشكشنا بي نصيحه نصيحتين



و الله يا ود أختي
أنا ذاتي عندي شاكوش
أقصد صداع
هوع هوع هوع
أقول ليك حاجه يا حسام
قالوا : كان إتقفل قدامك باب
ما تنتظروا يفتح
شوف غيرو أكيد في باب تاني إتفتح
زقاق :
الليك إن أباك من غير سبب لا تسكو
أمسح إسمو من خارطة ضميرك حكو
وادد من يوآدك و ال يزكيك زكو
بالجمبه : أنا في التمني
ديمه هديلي ساجع
مالقيت لي مغيث
ولا لقيت لي مراجع
داير أشوف حبيبي
اليوم داك شفتو
رايق دمو ناقع
دي ما بلقاها زولا
زيي أنا صيدو ناجع
بس حيلتي التمني
و المني ال ماهو نافع

صديق ود رحمة اللة
06-03-2010, 02:06 PM
اللة يكون في عونكم يامشوكشين /احمد انت لسة بتشوكش انت من زمان كدة

سليمان سعيد
06-20-2010, 05:56 PM
والله بقول لكل عنبر المشوكشين انو الواحد مايعتقد الشاكوش اخر امالو وان المسئله دا حسب الايمان وبتفاوت الفهم عند البعض وعندنا واحدين بركبون جن ويقعد يغنو والوقوف علي الاطلال ودي اكتر حاجه بتجننو والموضوع ببساطه حسب الزول وجنو وكدايسو ا زي ماقلنا المسئله دايرا حب زول عندو ايمان وثقه في الخالق مافي المخلوق ليو والله المستعان

مصطفي علي
06-25-2010, 04:21 PM
اللة يكون في عونكم يامشوكشين /احمد انت لسة بتشوكش انت من زمان كدة



أنا ولااااا قلت شوف القال منو
‏ ‏
جيهاهاهاهاهاها

مصطفي علي
06-25-2010, 04:29 PM
والله بقول لكل عنبر المشوكشين انو الواحد مايعتقد الشاكوش اخر امالو وان المسئله دا حسب الايمان وبتفاوت الفهم عند البعض وعندنا واحدين بركبون جن ويقعد يغنو والوقوف علي الاطلال ودي اكتر حاجه بتجننو والموضوع ببساطه حسب الزول وجنو وكدايسو ا زي ماقلنا المسئله دايرا حب زول عندو ايمان وثقه في الخالق مافي المخلوق ليو والله المستعان



تسلم أياديك يا سليمان
أ هو ده الكلام ض1
كلامك سمح شديد

صديق ود رحمة اللة
06-26-2010, 11:58 AM
هوي يا بوصطيف ود سعيد دا اصلو مشوكش وخارت سنة ناعمة عشان كدة بقول كلام زي دا وانا من وجة نظري الواحد مايعمل خطوبة يخش دقري ياخي ما احسن .

مصطفي علي
06-30-2010, 07:48 PM
ينصر دينك يا القضي
ده كل صاح
أصلو الخطوبه دي
مفروض تكون فترتها بسيطه

طارق أبوقرون
06-30-2010, 08:16 PM
ههههههــ يا مصطفى ... دايرين تنسبوا القضية والمهازل كلها لفترة الخطوبة .. والله لو كانت يوم واحد لما كانت مانعة من الشواكيش ...

مصطفي علي
06-30-2010, 08:21 PM
ما لقينا شماعه غيرا يا طارق
هع هع هع هع

طارق أبوقرون
06-30-2010, 08:27 PM
والله كلامكم لا يخلو من الصحة ... ضيق فترة الخطوبة يحد من الشواكيش ...
لكن يا جماعة الواحد ما ينتظر الشاكوش ...
الواحد يكون سباق للشاكوش ...
والخلقها خلق غيرها ألف ...

والله المستعان ..

مصطفي علي
07-01-2010, 03:23 PM
والله كلامكم لا يخلو من الصحة ... ضيق فترة الخطوبة يحد من الشواكيش ...
لكن يا جماعة الواحد ما ينتظر الشاكوش ...
الواحد يكون سباق للشاكوش ...
والخلقها خلق غيرها ألف ...

والله المستعان ..



حواء والده

طيب يا طارق
نحن ليه نفكر في الشاكوش من أصلو

نحن ناخد البساط أحمدي
و النية تكون الزواج
و يا بخت من وفق رأسين بالحلال
أقول ليك حاجه
أنا عايز أفتح بوست أسميهو
‏(‏ داير لي عروس )
رأيك شنو

طارق أبوقرون
07-01-2010, 03:30 PM
هههههههههــ ما فاتحو ابوالزهور ... أو حاجة قريبة لي دي ...

مصطفي علي
07-01-2010, 03:42 PM
لكن ابوالزهور خاتيو في النقاشات الحره
يعني موضوع للنقاش وليس موضوع
زواج جادي وللا شنو

ود جولا
08-11-2010, 02:17 AM
الله المستعن

طارق أبوقرون
08-11-2010, 02:34 AM
لكن ابوالزهور خاتيو في النقاشات الحره
يعني موضوع للنقاش وليس موضوع
زواج جادي وللا شنو


لالاااا داك براهو ودا براهو ..:d

احمد سردوب
08-13-2010, 01:45 AM
أيظن اني لعبة بيدية؟ انا لا افكر في الرجوع اليه اليوم عاد.. كأن شيئاً لم يكن وبراءة الاطفال في عينيه ليقول لي: اني رفيقة دربه وبأنني الحب الوحيد لديه حمل الزهور الي.. كيف أرده وصباي مرسوم على شفتيه ما عدت أذكر.. والحرائق في دمي كيف التجأت أنا الى زنديه خبأت رأسي عنده وكأنني طفل اعادوه الى ابويه سامحته.. وسألته عن اخباره وبكيت ساعات على كتفيه وبدون أن أدرى اشركت له يدي لتنام كالعصفور بين يديه ونسيت حقدي كله في لحظة من قال اني قد حقدت عليه كم قلت اني غير عائدة له ورجعت.. ما أحلى الرجوع اليه

أبوصنعة
08-13-2010, 06:59 AM
اللة يسهل عليكم با المشوكشين

مصطفي علي
08-13-2010, 09:54 PM
اللة يسهل عليكم با المشوكشين



الله يكفيك شر الشا ا ا ا ا ك
و الله المستعان

أبوصنعة
09-07-2010, 06:59 AM
الله يفجر عليكم

احمد سردوب
09-19-2010, 11:57 PM
لا بعدك بريحني
ولا قربك بفرحني

مهندس محمد شدو
09-20-2010, 07:18 AM
قول لي كيف داير تفارق
كيف بفارق زول بريييييد

أبوصنعة
09-22-2010, 12:55 AM
اللة يفرج كربة المشوكشين

مهندس محمد شدو
09-27-2010, 01:24 PM
اقول اصبر علي الهجران اقول
انساك لا بده
اشوف بس طرفك النعسان
تخوني القوة والشده

مصطفي علي
10-02-2010, 09:12 PM
بعد دا كلو كمان بتبكي
ما كفاية الشفتو منك
و الله أكتر من ببكي

طارق أبوقرون
10-02-2010, 09:14 PM
بعد دا كلو كمان بتبكي
ما كفاية الشاكوش المنك
و الله أكتر من ببكي

كدا احسن يابو صطيف .. ههههههه

مصطفي علي
10-02-2010, 10:11 PM
كدا احسن يابو صطيف .. ههههههه


قلت شنو يا طارق ؟
أنا غايتو ما سامع شئ ..!!!
أرفع صوتك حبه

انس البازل
10-03-2010, 07:29 PM
أبكي وأشكي لي مين الدايمن قلبي حزين...@

انس البازل
10-04-2010, 09:58 AM
البكي ماكفاية أنا طول عمري ببكي لاقادار أصبر ولاقادر أحكي....
خليها علي الله يابوصطيف..@

احمد سردوب
10-11-2010, 09:55 PM
عذرا
حبيبتي على زلة اللسان
سامحيني فانا من دونك
ضائع في متاهات الحرمان
ارجوكي لا تجعليني في
صفحات النسيان
لا يا حبيبتي
فأنتي ملكتي القلب والوجدان
و علمتني أيضا الحب والغرام
ولحن اجمل الكلام
وانتي جعلتي عيوني لا تنام
سامحيني حبيبتي على زلة
اللسان

مصطفي علي
10-11-2010, 11:01 PM
البكي ماكفاية أنا طول عمري ببكي لاقادار أصبر ولاقادر أحكي....
خليها علي الله يابوصطيف..@


سافر يا جرح جواي
‏ ‏
سافر فوق جناح السرعه

طارق أبوقرون
10-11-2010, 11:12 PM
[color="#ff1493"
‏ ‏
سافر فوق جناح السرعه
[/color]

الموج يوم يضارب الشاطي والريح لما تطفي الشمعه

احم احم أنا الجابني بي جاي شنو ..؟؟

احمد سردوب
10-12-2010, 10:29 AM
البقـــاء
مــع شخــص أنــت حقــا
تحبــه..حتــى لــو كنــت تعلــم
أنكــم لا
تستطيعـــون البقـــاء
معــــــــاً...كـ اللعــــب تحــت
المطـــــر..ممتــع لكنــكـ
ستعلــم أنــكـ ستمــرض

طارق أبوقرون
10-12-2010, 08:29 PM
والله مرات ما بتمرض يا ود سردوب .. هع هع

احمد سردوب
10-12-2010, 09:58 PM
ههههههههه يااا طارق انت مناعتك
عالية الحبه مابتجيك لا بتلعب في المطر
ولا حصل حبيت وأتشوكشت ..
بس أول شعفوفه ألعب وورينا النتيجه لوووووووووووووووول

احمد سردوب
10-12-2010, 09:59 PM
لا تتصل يكفي خلاص مشكــــور ماأبي اتصالك..

كنت أنتظر منك السـؤال وخيــــبت ظــني لا تجيني..

لا يا حبيبي لا تعتذر ماني جالـس علــى وصالك..

أنا نسيتك ولا ظنتي بيــجي يـــوم تشوفني وتعرفـني

لا تسوي لي دور الضــحية وأصـعب على حالك.....

انتهينا وذا قراري لا تفــكر اليوم بالرجـــوع ثانـــي

مصطفي علي
10-14-2010, 01:06 PM
الموج يوم يضارب الشاطي والريح لما تطفي الشمعه

-

والمحبوب وكت يجرحنا
لو في ضمير يحس أو يوعى

-

احم احم أنا الجابني بي جاي شنو ..؟؟

-

ما دام جيت هون
بنعدك مع الناس الي أخدوا شااااك
وك وك وك

-

طارق أبوقرون
10-14-2010, 07:57 PM
لا ياا خيو أنا بس حبيت أتطمن عــ كل الأحباب المشــ .. /ووه الإسبلنق صعب أوي .. ;)

احمد سردوب
10-15-2010, 12:24 PM
من قال ان لعبة
الورد حكرًا على العاشقين؟.
فأنا رغم الفراق ما زلت العبها
لكني لست كبقية العشاق
أسألها تحبني او لا تحبني انا
فقط اهمس لها..أنسيتني ام
مازالت تذكرني؟

مصطفي علي
10-15-2010, 03:44 PM
-

كانت قبيل طمعانه فيك فارسا جيوبو متمسحا
دايراك يوم جيت للعرس
نار الله في الناس تقدحا
الشيله بي الشنط الكبار
مقفوله راقده مبطحا
في الحله والناس دار تشوف
راجين متين تجي تفتحا
كان بالا في شهر العسل
طول الزمن ما يبارحا
ترحل معاك لي بيت كبير
موكيت و حيطو مسلحا
عربيتك الملك الحلال
جلد النمر و الملفحا
بوتجاز مولع و ديب فريزر
و أب ريموت و المروحا
وآخر شئ كان تعرف براك
حتي الغرام بقي مصلحه
بت حواء يا مظلوم بقت
بالمال عقولا ملقحا
يا ريت قلوب الناس
بعد ما تحب تخش المشرحه
يقروا المكامن في القلوب
كيف الشرايين تنضحا
يتراجع النطقو اللسان
صح و للا زي ضل الضحى
ما دام هي ما راعت شعورك
ولا ضميرا هي إستحى
أنساها و البكا ما بفيد
قشقش دموعك و أمسحا


-

عبده إدريس
10-15-2010, 04:20 PM
قشقش دموعك وأمسحا

هلّا هلّا

طارق أبوقرون
10-16-2010, 11:29 AM
قشقش دموعك وأمسحا

هلّا هلّا



يـــاعبدو ... إني لأراكــ من المقشقشيـــن .. والمشقشقيـــن ..

مصطفي علي
10-23-2010, 09:21 PM
سجمكم ناس تقشقش في دموعا
و ناس تتاوق و ناس تدافر و ناس
تشلت و ناس تلطش و ناس تشاكل
أنا غايتو جبت لي صورتين
عشان الناس البتخاف من الإسبلنق

أمسكوا الخشب و قفلوا خشومك
عشان ما تشوفو شئ
الكتراااااابل

http://www.maxforums.net/attachment.php?attachmentid=46055&stc=1&d=1254674145

http://4photos.net/photo/22small_1205340128.jpg
قلت لي شنو آآ طارق ؟
‏ ‏

محمد الجيلي
10-23-2010, 09:32 PM
مــــــا شــــــاء الــــــلــــــه
الجماعه الطيبين كثيرين انا اول مره ادخل البوست دا
في ناس ما كنت قايل هم موجودين بي جاي الدوام لله

dr.angel
10-23-2010, 10:25 PM
السلااااااام عليكم .. ماشاء الله الجماعة كلهم بجاي وفي ناس كدة متواجدين بكثرة .. عاملين فيها مواسين لكن شكلو كدة وراهم شواكيش ونخص المهندسين بالذكر .. أما الدكاترة ديل ماعندهم زمن لا لي شواكيش ولا حتى ورود .. بس قلنا نشوف إمكن في مشوكش عايز ليهو إسعافات سريعة ..

مصطفي علي
10-23-2010, 10:34 PM
زولتنا كانت سمحه جد
في عيونا كل الليل لبد
وفي رموشا كان القيف شرد
وفي الضحكه بيصب البرد
ولكل سؤال كان للجمال في عيونا رد
و زولنا كان بريدا جد
في ريدو ما كان ليهو حد
و القصه عارفاها البلد
بشوفا لو يوم قام فجر
أو ونسه في شاي العصر
و دايما حديثهم في العرس
وكيف يلملموا قرش قرش
و كيف يبنوهو من ساسو التحت
لامن يودهو العرش
و كانوا عايشين في غرام
لا فيهو خداع لا فيهو غش
لا فيهو كرامه بتنخدش
و تمر سنين ... بكل حنين
لا فيه ألم لا فيه أنين
زولتنا كان حافظه الوعد
لي زولنا تب ما إتغيرت
لا من قريب لا من بعيد
خاته الوليد بس في القليب
بي جنبو ما جابت جديد
و ياهو البيحصل يا أهل
لو كان صحيح الزول بريد
وصاحبنا يلملم في المهر
بالرغم من دخلو البسيط
كمين جنيه آخر الشهر
فيها اللبس فيها العلاج فيها الوفر
و شان كنتي يا سمحه الأمل
لا كد ضاق بيها فتر
بالرغم من حالو الصعب
و بالرغم من دخلو الكعب
و بالرغم من تعبو الشديد
شان كان صحيح الريدا في دم الوريد
بس بالزمن السمحه يوم إتغيرت
و قالوا الزمن ياكل حديد



يتبع >>>>>

مصطفي علي
10-23-2010, 10:39 PM
نتابع


السمحه ليه إتبدلت لي زول بحب
والسمحه ليه إتغيرت لي زول تعب
و نست الحنان الفي القلب
و القصه ما كانت كذب
زولتنا بان ليها مغترب
السمحه يوما الوافقت
صاحبنا في المقلب شرب
و كان الغدر .. أصلو العرس قسمه و نصيب
بس يا أهل وين قسمة الخاضو الحرب
طول عمرهم ما إتغيروا
ولا حادو يوم عن الدرب
وين الحنان وين المشاعر الفي القلب
باعوها بي كوم شنط بالجزم أم ستت
باعوها بي الكمين جنيه و الكم شبط
و الكم جنيه القالوا لي قطع الرحط
باعوها بي صفقة بنات و زغريد حريم
و علب كريم
و ادوكي لي البقدر يجيب
و قالوا العرس قسمه ونصيب



يتبع >>>>>

مصطفي علي
10-23-2010, 10:41 PM
نتابع


و لو عارفه يا زينة البنات دقوا الجرس
باعوك في سوق الرقيق
و ودوكي في أخطر طريق
من دون حبيب من دون رفيق
و قالوا العرس قسمه ونصيب

و عريس كمان
في البدله عامل زي وزير
و سجايرو أب عشرين كمان
دخانو يطلع بالأضان
و كدوس عجيب
و فنان يلعلع للفجر
وبنات تقول صفق الشجر
و السيره كان
لا ليها راس لا ليها قعر
ولو تطلبي شئ البيت قريب
و التاكسي بيودي و يجيب
و زولنا يبكي صراخ و نحيب
يا حليلو مجروح القليب
ينزف دماهو كابات صبيب


إنتهت ....

ودالشويه
10-23-2010, 10:46 PM
سجمكم ناس تقشقش في دموعا
و ناس تتاوق و ناس تدافر و ناس
تشلت و ناس تلطش و ناس تشاكل
أنا غايتو جبت لي صورتين
عشان الناس البتخاف من الإسبلنق

أمسكوا الخشب و قفلوا خشومك
عشان ما تشوفو شئ
الكتراااااابل

http://www.maxforums.net/attachment.php?attachmentid=46055&stc=1&d=1254674145

http://4photos.net/photo/22small_1205340128.jpg
قلت لي شنو آآ طارق ؟
‏ ‏



والله يا ابوصطيف حيرتنا قبل شويه كنت عايز انو لا كن بعد دا الله اعلم يازول بتبحت مالك

مصطفي علي
10-23-2010, 11:08 PM
والله يا ابوصطيف حيرتنا قبل شويه كنت عايز انو لا كن بعد دا الله اعلم يازول بتبحت مالك


قالوا الضايق قرصة الدابي
بخاف من مجر الحبل
يأخ كلو من أنس المدير
هو القاعد يبحت
ما أنا القاعد أبحت
أقول ليك قوووله
هو المدير ظاتو ماخد شاكوش زي
الشاكوش
أنا عارف غايتو الصوره كانت معلقه
في ضلفة دولابو 5 سنين معاك
يا زينة الأيام و يا ....
لحدي ما إنضرب شاكوش جامد
هئ إنت يا ود الشوية أخدت كم واحد
كدي كلمني و ما بحدث زول ...

احمد سردوب
10-23-2010, 11:40 PM
حبي
الابدي ... ما نسيتك قط ... فلا
زلت وجداني .. و لازلت هواك .. و
مازالت سمائي شاهده على حبي
اليك ... و مازلت شمسي تناديك
لتنير دربي ... فدربي بات
بسواده كوخ بارد .. حبيتي كم
اشتاق لهمساتك باسمي ... كم
اشتاق لهوائي معك ... كم
اشتاق للمسات يديك ... كم
اشتاق و اشتاق لرؤياك ... كم
اشتاق لصوتك الحنون ... ذلك
الصوت الذي ملئ صدري بجميع
لغات العشق .. كم اشتاق و
اشتاق و اشتاق

مصطفي علي
10-25-2010, 08:08 PM
فاصل و نواصل

حبيب الشعب
10-25-2010, 08:10 PM
شنو انتو فاصل كم دا قدر كييييييييييييييف

انس البازل
10-25-2010, 08:17 PM
قدر..................رأيك شنو...@

مصطفي علي
10-26-2010, 12:55 AM
شنو انتو فاصل كم دا قدر كييييييييييييييف



معليش يا حبيب بس أنا كنت في المهرجان
هئ إنت ليه ما جيت الإحتفال
أيوا إنت أصلك كنت لابد بهنا
إنت عارف يا حبيب
فاتك مهرجان روعه

طبعا عايز تعرف إحتفال شنو و كده


اليوم العالمي للمشوكشين
و كنا محتفلين باليوم دا
و كان مكضبني أسأل عمنا قوقل

أها لما إنتهي الفاصل الأول
أنا جيت هنا كتبت

فاصل و نواصل

أبوصنعة
10-26-2010, 02:44 PM
ان وفقت عديلة وان مشت قدالة
ان شالت الوليد اتفولواااا بجالة
الكرم والجود قالينواااا شن ببقالة
خالة وخال ابوها وخالة
بكى شديد طبعا
وفى الاخر الناس دى كلها
شاكوش لكن عاملة نائمة بس
والله يعين كل المشاكشين

انس البازل
10-26-2010, 03:07 PM
يا أبوصنعة0شكلك كدي مدنك طلقه هي أقصد شاكوش....@

مصطفي علي
10-27-2010, 03:18 PM
يا أبوصنعة0شكلك كدي مدنك طلقه هي أقصد شاكوش....@



إن وقفت عديله و إن مشت قداله
و إن شالت شاكوشا قلبوبنا مستعداله
ضربتني بي شاكوش و ضحك علي خاله
أعضاي إرتبكن و رجفن و قامت علي الحاله

قلت شنو يا أنس
دا منو الضربوهو بالشا ا ا ا ك ؟

انس البازل
10-27-2010, 04:03 PM
دا هناي ...........الباقي تمو خيال...@

مصطفي علي
10-29-2010, 11:12 PM
دا هناي ...........الباقي تمو خيال...@


لأ خلاث عرفتو تب
من فتلو ال مفتول بيو
شكرن جدن جدن

احمد سردوب
10-30-2010, 11:07 AM
لَدَى قُنـاعَة
تـامـة . . بِأَن لِيـس كُل الـذَيْن
يَخـوَنُوْن
لَايِحـبَوْن . . وَلَا كُل الَّذِيـن
يَحـبَوْن.لايَخـوَنُوْن !! . .
فَالْبَعْض يَخُوْن بِرَغْم الْحُب .,, .
وَالْبَعـض يَحـب بـرُغـم
الْخِيَانَة!!

احمد سردوب
10-30-2010, 11:08 AM
حين رحلت كنت
اظن أنك مدينة لى باعتذار ..
وعلمت من الايام .. انى أنا
المدين لك بالشكر ..
فبدونك أصبحت أقوى .. فلك
منى كل الشكر !

مصطفي علي
10-30-2010, 10:19 PM
الموحطرمه فلانه
بعد دا أقول ليك
شوفي غيري أنا أصلن ما برجع ليك
أنا زمان ما كنت بحبك و قلتي إنك
مورتبطه و كدا
و أنا طبعن أيامو ديك شبعان تب بكا
هسا دايراني أرجع ليك
آسف جدن جدن
أتفكفكي شوفي محل قسمتك و نصيبك
و خليني أداوي جروحي النازفه
ما مونكن ظاتو يأخ
حواء والده و الخلقك خلق غيرك
و الله أديك كدا ...

احمد سردوب
10-30-2010, 11:15 PM
ســأقدر
ظـروفك إن لم تجد وقـتا
لتكلـمني و سأقدر ظروفك إن
لم تسأل لتطـــمئن عـني و
سأقدر ظـروفك إن تأخرت أو
ألغيت مواعـــيدنا وسأقدر
ظروفك أيا كانت إنشـغالاتك
عني لكن قدري ظروفي عندما
أخبرك يوما بأني أصــبحت أحب
غيرك

احمد سردوب
10-30-2010, 11:19 PM
انحنيت لكي مره
ليس معنى ذلك أنك شيء
مقدس........... فأنا في كل صباح
بعد شاي الصباح
ألبس ثيابي وأنحني لألبس
حذائي

مصطفي علي
11-01-2010, 10:01 PM
انا بكرهك
بس بكرهك..!
انا بكره اليوم الصنع قلبا يكورك ويندهك
انا بكره الوطن البلم شرف الغرام المنتهك
من ياتو باب طليت علي ما كنت اصلا بشبهك
انا بكرهك
انا شلت ريدك في القليب وسقيتو من دم العروق
صنقعت دليت النجم دنقرت كبيت نور وشوق
وعصرت موية الانتظار ختيتا في وجع الحروق
وكان النتيجة تبيع هواي هو اريتو كان سويتلو سوق
انا بكرهك
من وين اجيب ليك الدموع
من وين اصنقر حيل كلام كان امنيات قلبو الرجوع
من وين اذا هتك الضلام حيل خيلي القالك شموع
لكني مجبور اطردك واقفل وراك باب الضلوع
شديت رحالاتي ومشيت وكتين هتك حيلك هواي
ارتحت في موجي ورسيت
لا حرك الموج البحر
لا صد فلبي ولا قسيت لكن طلعت خيال عشم
ضمخ رؤى الوجع المميت
انا بكرهك
قدر اشتهاي
انا بكرهك
قدر الغرام الكان زمان كابت مساماتي وهواي
انا بكرهك
قدر اني ما لودت بيك كريات شراييني ودماي
انا بكرهك
قدر اني غنيتك غناي
من وين دخلت علي مدن شاخت من الوجع الاليم
من وين طرقت جدار قلب لقح هوى العشق العقيم
من وين سخت شمسك علي
كانت سماي مليانة غيم
فتق جراحــاتي
فتق جراحاتي وامش
خليني في لهب الجحيم
انا قلت ليك..
انا بكرهك

ودالشويه
11-01-2010, 10:25 PM
ياخي انت حالف تقلب علي المواجع مش الحب دا خليناهو شوفلك زول يبكي ليك غيري لك التحيه يا ابن خالي

طارق أبوقرون
11-01-2010, 10:27 PM
هووووووووووووي يا رطل ... ات مشوكش انا قايل .. واللا الجابك بي جاي شنو ؟؟

شيطان بر ..!!:rolleyes:

مصطفي علي
11-03-2010, 05:13 PM
ياخي انت حالف تقلب علي المواجع مش الحب دا خليناهو شوفلك زول يبكي ليك غيري لك التحيه يا ابن خالي



إن وقفت محنية و إن مشت مفتوله
و إن شالت شاكوشا بتدخلك في هوله
بتقبل عليك بي نمله قووول نموله
أبكي براي يا ودالشوية و الله ما معقوله

د.محمد سعد ابوقرون
11-03-2010, 07:14 PM
أعلى الجمال تغار منا ..ماذا علينا إذا نظرنا إذا نظرنا
هى نظره تنسى الوقار ...وتسعد روح المعنى روح المعنى(بتشديد النون)

ودالشويه
11-03-2010, 07:50 PM
والله ياطارق شاكوش قديم وانا زاتي نسيتو لاكن ابوصطيف ماريحني وبيني وبينك كلنا في الهوا سوا الحق ياابوصطيف المهندسين متوكين ومشوكشين قال رطل قال هاهاهاها

مصطفي علي
11-03-2010, 08:54 PM
والله ياطارق شاكوش قديم وانا زاتي نسيتو لاكن ابوصطيف ماريحني وبيني وبينك كلنا في الهوا سوا الحق ياابوصطيف المهندسين متوكين ومشوكشين قال رطل قال هاهاهاها

أحححححححح أنا

لا حولااااا
قلت لي الموهندسين مالن
أحي أنا يا رفارف قلبي
الناس دي كلها يا نور متوكه
بس في ناس كده كاتمنو جوووه


http://abugroononline.com/up/uploads/images/domain-8de144c0b3.gif (http://www.abugroononline.com/vb/showthread.php?p=66519#post66519)
لكن نحن
لينا الله

مهندس محمد شدو
11-03-2010, 09:53 PM
البنات مين ما بريدن
ربي يرعاهن يزيدن
البنااااااااااااااااااااااااات
والله يا ابوصطيف الله اكون في العون

عبد الحليم عبد الرحمن
11-03-2010, 10:08 PM
تقول أنساك وكيف أنساك واسلم امري للغربه ...
وأخت اللوم على قلبي عشان زي القلوب حبا ...
عشان عينيك حبيتا وقلت أضوق طعم ريدا ...
وحاتك كنت ماعارف ... مشاعري معاك محسودا ..
ولا إتخيلت عمر الريد ... معاك أيامو معدودة ...

احمد سردوب
11-03-2010, 11:10 PM
ثرثرت جدآ
فاتركيني ..
شيئ يمزق لي جبيني ..
انا في الجحيم و انت لا تدرين
ماذا يعتريني .؟
لن تفهمي معني العذاب
بريشتي لن تفهميني ..
عمياء انتي ؟
الم تري قلبي تجمع في
عيوني ؟
مات الحنين أتسمعيني ؟
و مت انتي مع الحنين ..
لا تسألي كيف انتهت
قصتنا لا تسأليني ...

ابوهاجر
11-04-2010, 07:31 AM
يا ناس ههه ... استغفروا ربكم .. النحيب شنو على الماضى
والله عنبركم بقيت اخاف منو عديل
لانو أكثر الاشياء ذات الاثر عندى ان ارى دموع الغلابة والتعابة
كان الله فى العون

محمد الجيلي
11-04-2010, 08:25 AM
يا ابوهاجر خلي الناس تفضفض حبه الناس دي راس اتنخر من الشواكيش

احمد سردوب
11-04-2010, 08:56 AM
أحببتك فكرهتني.. وأمنتك فخنتني.. فلن أعاتبك وسأظل أبتسم كما عرفتني.. ولكن إبتسامة إحتقار لأنك جرحتني

د.محمد سعد ابوقرون
11-04-2010, 11:04 AM
أنا لو رضيت بالهم ...أنا كان رضيت بالهم ...ما أظنو يرضى بى همى ...وأنا حين يحين أجلى ما تبكو هنونى

طارق أبوقرون
11-04-2010, 12:24 PM
شايف د. هاوس بقى مواظب الايام دي بي جاي ..

الحاااصل شنو ؟؟

انس البازل
11-04-2010, 04:34 PM
الظاهر إنو ودالشوية مضروب طلقتين أقصد شاكوشين وربنا يستر......@@@

طارق أبوقرون
11-05-2010, 10:53 AM
جراح الجسم يداويها المداوى جراح الروح ويداويها مين
يا قلبى يا اللى صابر على البلاوى حضنت فجرحك الناس احمعين
وليلك يا بلادى طال علينا وشمس الحق غابت من سنين
الاقى الشمس تصعد من جراحى واسكت يرتفع صوت الانين

طارق أبوقرون
11-05-2010, 10:54 AM
حـــــــــالتكم صعبة يالهنايين ..

احمد سردوب
11-05-2010, 10:59 AM
لا تجعل قلبك مثل النهر يشرب منه من يشاء . . . .بل إجعله مثل البحر لا يشرب منه سوى الغارق

طارق أبوقرون
11-05-2010, 11:00 AM
واحد كدا يكون محروق تب

يجي يجعر لينا جعيرة حااااارة

ويجقلب .. ويتقلب .. ويكورك

وينادي بأعلى صوته :



انا اللى مش ممكن اخون
حزنى ولحظات الشجون
لاحب من غير جنون
ولا دمع من غير عيون

ويقول في ستين ..
الى متى الشواكيش والاحزان ..
الى متى أمسي وأصبح عيان ..
الى متى .. الى متى ..

مصطفي علي
11-05-2010, 11:37 AM
جراح الجسم يداويها المداوى جراح الروح ويداويها مين
يا قلبى يا اللى صابر على البلاوى حضنت فجرحك الناس احمعين
وليلك يا بلادى طال علينا وشمس الحق غابت من سنين
الاقى الشمس تصعد من جراحى واسكت يرتفع صوت الانين



أححححححححححح أنا
‏"بكا شديد طبعن"

انس البازل
11-09-2010, 02:12 PM
ناس بتبكي سنين طويلة وناس بدون ماتبكي بدوها هناي..@

طارق أبوقرون
11-09-2010, 02:17 PM
http://www.mexat.com/vb/attachment.php?attachmentid=837912&d=1244999303

انس البازل
11-09-2010, 02:24 PM
هع هع هع هع هع هع هعهع
‏ شاكوشك ثمح تب..@

طارق أبوقرون
11-09-2010, 02:24 PM
ما بتعرف الشاكوش

http://www.mexat.com/vb/attachment.php?attachmentid=837912&d=1244999303

كنت تسأل عنو
بتلقى ناس الشواكيش
مشوكشين و الناس عليهم حنُّو
ومرات ناس بيغنوا ..
ومرات ناسوا يجنُّوا ..

تعريف:
الشاكوش: هو السلاح الذي تستخدمه البنت المفتحة التي تريد مرمطة الولد الجاري وراها .. وكمان اظهار بعضا من عدم الاهتمام به .. هع هع

يللا كل الناس العيانة/ المشوكشة/ ما تنقطع من العنبر ..

والله المستعان ..

انس البازل
11-09-2010, 02:31 PM
الله يكفينا شر الشواكيش والنشأ بالتلج..
خارج النص/ابقو واعيين وأختو البنات المفتحات.@

طارق أبوقرون
11-09-2010, 02:33 PM
النشأ بالتلج دي شنو
؟؟

انس البازل
11-09-2010, 02:37 PM
دي خليها دي حاجة فريدة من نوعها....@

طارق أبوقرون
11-10-2010, 12:33 PM
ما بتعرف الشاكوش

http://www.mexat.com/vb/attachment.php?attachmentid=837912&d=1244999303

كنت تسأل عنو
بتلقى ناس الشواكيش
مشوكشين و الناس عليهم حنُّو
ومرات ناس بيغنوا ..
ومرات ناسوا يجنُّوا ..

تعريف:
الشاكوش: هو السلاح الذي تستخدمه البنت المفتحة التي تريد مرمطة الولد الجاري وراها .. وكمان اظهار بعضا من عدم الاهتمام به .. هع هع

يللا كل الناس العيانة/ المشوكشة/ ما تنقطع من العنبر ..

والله المستعان ..



أيـــن المشوكشين .. نسال الله السلامة ..

انس البازل
11-10-2010, 12:42 PM
عاملين لبتون تقيل لكن حاسي بانو في واحد جاي خاشي سريع...@

ودالشويه
11-10-2010, 12:56 PM
والله يا ابوصطيف عينك ماتشوف الا النور يازول وصفو لي طارق ابكي ويجعر واتمردق في الخور ياخي انامابعرف اخون وانا مابستحقك الاحم احم ويازول وقال كده دور وانا وانا وانا واك واك واك وربنا يستر علي دهاوس شايفو الايام دي جيتو كتر وماخفيا اعظم الي ان نلتقي بي شاكوش قادم

محمد الطاهر
11-10-2010, 02:02 PM
هههههههههه .. يا ود الشويه زولك دا حالتو صعبه تب وربنا يسهل عليهو.

احمد المجاهد
11-10-2010, 06:51 PM
بدون تعليق !!!.........

انس البازل
11-11-2010, 08:47 AM
حتي أحمد المجاهد حالتو صعبه،صعبة لي أصعب الحدود لمن غلبو الكلام، ياخوانا الفو الزول دا..@

مصطفي علي
11-13-2010, 09:33 PM
ما بتعرف الشاكوش

http://www.mexat.com/vb/attachment.php?attachmentid=837912&d=1244999303

كنت تسأل عنو
بتلقى ناس الشواكيش
مشوكشين و الناس عليهم حنُّو
ومرات ناس بيغنوا ..
ومرات ناسوا يجنُّوا ..

تعريف:
الشاكوش: هو السلاح الذي تستخدمه البنت المفتحة التي تريد مرمطة الولد الجاري وراها .. وكمان اظهار بعضا من عدم الاهتمام به .. هع هع

يللا كل الناس العيانة/ المشوكشة/ ما تنقطع من العنبر ..




والله أنا خايف إنو الواحد بعد
يتزوج العنبر دا ما يقدر إطلع منو
فجعتن كده مونكن أسأل
التلج عرفناه بس النشأ دي شنو
خلاص عرفتها بت عم العكاره
الموشكله مو في النشأ الموشكله
في التلج ال مع الشتاء
نأنو التلج بكسروه بالشاكوش

أقبض تاني جاب سيرة الشاكوش

مصطفي علي
11-13-2010, 09:38 PM
والله يا ابوصطيف عينك ماتشوف الا النور يازول وصفو لي طارق ابكي ويجعر واتمردق في الخور



والله طارق إتلوم تب
‏ ‏
ياخ علي الأقل كان يكلمني
كنت مشيت إتمردغت معاو
و نشبع تب جعير
ياخ دا ظاتو البخلي الزول يرتاح
و بعداك نفسياتو ترتاح

أحححححح أنا

ودالشويه
11-13-2010, 11:53 PM
ياناس الحقو احمد برضو دخل مع الجماعه المهندسين والمشوكشين والله يا وداخوتي كان الله في عونك بديك نصيحه عليك بالصبر والمويه البارده وشقلت الجعير والتميردق في الخور خليها لي عمو مصطفي وخالو طارق وجماعه تاني خليهم بالنيه

مصطفي علي
11-14-2010, 02:11 PM
شقلت الجعير والتميردق في الخور خليها لي عمو مصطفي وخالو طارق وجماعه تاني خليهم بالنيه
جماعه تاني ...!
زي منو ؟

بعدين الخور ظاتو
عشان تتمردق فيهو
إن بقيت ما جيت حجزت بدري
ما بتلقي ليك فريقه
دحين يا نور من هسا
أشبع تب جعير و مرديق
قبال ما الشئ دا يبقي بالإيجار

انس البازل
11-14-2010, 04:24 PM
بص بص بص بص بص بص بص بص بص بص بص بص...
‏ البكي ماكفاية هو طول عمرو ببكي لاقادر يصبر ولاقادر يشكي .ياالدايرين تعرفو ولا لي روحو ببكي ماأصلو دا الخاين ودا نهايت البخونو.......@@@

اسد افريقيا
11-14-2010, 05:39 PM
عصفورتي الصغيرة ..

أحببتك من قبل أن تولدي
ومن قبل أن أولد أنا ..
إنه حب تخلق في رحم الزمان
قبل آلاف السنين ,
كنت أبحث فيه عنك ,
وأسأل النسمات عنك ,
وأسأل السماء حين تمطر
والعصافير حين تغرد ,
كنت أسأل عنك الليل والفجر
واللؤلؤ في أعماق البحار .

ولو أردت الحقيقة
أيتها الموجة الرقيقة
فاسألي عنها جفون القمر
وأهداب النجوم ,
حيث تجدينني مختبئ فيها
فاتحًا ذراعيَّ
لكي أحتضن أطيافك
حين تأتيني مع حلول المساء .

انس البازل
11-15-2010, 09:35 PM
ستلو كدي اليكي كملتو كلو....مث..@

أنة المجروح
11-17-2010, 08:08 PM
ياجماعه الحكايه شنو

أنة المجروح
11-17-2010, 08:31 PM
دنيا غريبه للأسف الدمع فيها مايجف هذه جزاء اللي يحب اللي يحب يحب ويحب يقضي حياته في تعب

طارق أبوقرون
11-17-2010, 09:25 PM
ههههه ذلكــ جزاء من يحب ..

لكن حبو غيــر

ويستاهل البكى والجعير ..

مهندس محمد شدو
11-29-2010, 10:03 PM
أحلي مافيكي الصراحة وأحلي مافيكي الغموض..
لحظه التيه والتعالي ولحظة الصدق الودود..
باختصار أنا ليك بقولا حتي في قمة تناقضك..
انتي اجمل مارايت حتي في كل الوجود..
انتي زي وردة خميلة احلي من كل الورود..

انس البازل
11-30-2010, 07:53 AM
يا ودشدو كملت المناديل دي كلها...@

طارق أبوقرون
12-04-2010, 09:50 AM
يا محرقاً بالنار وجه محبه....مهلاً فان مدامعي تطفية
احرق بها جسدي وكل جوارحي....واحذر على قلبي لأنك فيه

انس البازل
12-04-2010, 12:26 PM
براحة ياطارق ماتجعر شديد كدي........وياودالطاهر كدي تعانا بي جاي..@

الصديق الجيلي
12-04-2010, 01:31 PM
تباً للذكــــــــــــريات حتى ذكرياتي الجميله أكرههـــــــــا لانها تقودني الي حنين هؤلاء الاشخاص الذين تركونــــــــي وحيـــــدا ورحلـــــــــــو ..!!

انس البازل
12-04-2010, 01:37 PM
يا الصديق دا كلام ثمح تب...@

انس محمد حسن
12-05-2010, 04:28 PM
شنو يا جماعة وين البكايين المشوكشين

بزعامة مصطفى علي شكلو طول من البوست

طيب أديكم حاجة:

لو حزّ بالسيف رأسي في محبتها لطار يهوي سريعا نحوها رأسي

مصطفي علي
12-05-2010, 06:05 PM
لا حولاااااااااااا

يا اخوانا

أنس و انس

ألفو الصديق دي

تراهو موجوع خالس

ألفوهو قبال ينفجر

و سوقوهو علي الخور

خلوهو ال يجعّر و يتمردغ تب

و إنتو كمان أخدوا ليكن معاو بكيه


و


كده كده يا الترللللللللللللللللللا

انس البازل
12-05-2010, 06:13 PM
أها أنا جيت أوديهو مسراع....@

الطيب ابوقرون
12-05-2010, 06:26 PM
والله الحالة صعبة تب بي جاي
ربنا يشفي الجميع إن شاء الله

مصطفي علي
12-05-2010, 07:30 PM
يا اخوانا

أنا ممكون تب

و عايز اجوعر واتمردغ

بس خجلان منكم

دا كلام كان داير يقولو الطيب

هوع هوع هوووووووع

واااااااااااااااااااااع

طارق أبوقرون
12-05-2010, 07:34 PM
وااااااااااااع

يا مصطفى كشفتوا لكن

ماللخدر انشررررررا

فهمت واللا أمشي أنوووم

خخخخخخخخخخخــ أنا

مصطفي علي
12-05-2010, 07:49 PM
وااااااااااااع

يا مصطفى كشفتوا لكن

ماللخدر انشررررررا

فهمت واللا أمشي أنوووم

خخخخخخخخخخخــ أنا

كيف ياخ

أخوك بختفا طاير فررررررر

و الله الطيب ياخ ما يستاهل

زول مسكين

ربنا يعينو

يا جماعه الطيب دا أمشوا اقيفو معاو

عشان متحسس شويه

و كلنا مرينا بالحاله دي

زوقاق : شوفت كيف يا طارق

الطيب كان عايز يعمل رايح

مصطفي علي
12-05-2010, 08:13 PM
أها أنا جيت أوديهو مسراع....@





اي اي وديهو

و شوف معاك ودالشويه

و أنا ظاتو بمشي معاكم

نشبع تب

و نفش مغستنا

م ح م د
12-05-2010, 08:22 PM
ياانس اول مرة ادخل المبكى بتاعكم دا يامصطفى حالتكم صعبه شديد الغريب انه في كم نفر كده ماكنت متوقع القاهم هنا .... الله يسهل عليكم ويجبر بخاطركم قريب ...

اطلع ياالطيب عندك شنو هنا ..... مابصدق :eek::eek::eek:انت برضو معاهم

مصطفي علي
12-05-2010, 09:27 PM
ياانس اول مرة ادخل المبكى بتاعكم دا يامصطفى حالتكم صعبه شديد الغريب انه في كم نفر كده ماكنت متوقع القاهم هنا .... الله يسهل عليكم ويجبر بخاطركم قريب ...

اطلع ياالطيب عندك شنو هنا ..... مابصدق :eek::eek::eek:انت برضو معاهم

أقبوووووووووووض

مولانا محمد حامد

يا هلا بيك

منورنا و الله

أسمع عادي ما تخجل

أبكي سااااااي

الناس ديل كلهم قاعدين يبكوا

أديك مناديل ورق ؟

م ح م د
12-05-2010, 09:40 PM
البكى كان بحل كويس اخير الواحد ينستر ولا كيف ,,,, لكن الناس دي كلها هنا بتعمل في شنو ...

مصطفي علي
12-05-2010, 09:50 PM
البكى كان بحل كويس اخير الواحد ينستر ولا كيف ,,,, لكن الناس دي كلها هنا بتعمل في شنو ...

بضحكوا علي الناس الخجلانين من الشواكيش


ختيرين جنس ختوريه هع ..


ما تسمع إنهم ببكوا

لا لا

قاعدين يضحكوا و مبسوطين تب

الله يكرمك يا مولانا

انس البازل
12-05-2010, 09:51 PM
يا ابوعلامة ماتكورك شديد براحة...@@@

م ح م د
12-05-2010, 10:11 PM
يا ابوعلامة ماتكورك شديد براحة...@@@


انت ذاتك هنا هلا هلا زباينكم كتار يامصطفى .,...زعيم الراكوبه ذاتو مضروب

طارق أبوقرون
12-05-2010, 10:12 PM
زوقاق : شوفت كيف يا طارق

الطيب كان عايز يعمل رايح

يعمل رايح

ويييين يا فردة

نحنا بنسوي في شنو

مصطفي علي
12-05-2010, 10:35 PM
انت ذاتك هنا هلا هلا زباينكم كتار يامصطفى .,...زعيم الراكوبه ذاتو مضروب

اي اي

ناس كتار

أرجع قلب في

صفحات البوصتن ده

بتعرف الزباين كتار كيف

و راح تلقي

مناديل ورق كميات كتارات

هاهاهاهاهاهاها

مصطفي علي
12-05-2010, 10:45 PM
يعمل رايح

ويييين يا فردة

نحنا بنسوي في شنو

عافي منك آ طارق

عارفك بتقبضا و هي طايره

معلللللللللللم لكن

أسمع باكر الزول دا بجي

و ينكر تب

خليك قريب عشان ما يقول كاني ماني

الطيب ابوقرون
12-06-2010, 08:05 AM
هوووووووووووي يا مشكوكشين
امشوا العبوا بعييييييييييد
دايرين تدخلوني عنبركم الكلو مناديل دا بالقوة...!!:mad::mad:

انس البازل
12-06-2010, 08:34 AM
حباب الطيوب...شفتا هنا القطار لمن يدور0 كلهم بدورو بكي شديد....@

الطيب ابوقرون
12-06-2010, 08:37 AM
والله ربنا يشفيهم يا خال
بس ناس مصطفى وطارق ديل بكاهم بصوت عالي شديد
قول ليهم الكلام دا عيب

انس البازل
12-06-2010, 08:42 AM
ببكو ويتمردقو في التراب بالليل...حتي أحمد المجاهد أخد ليهو بكية يوم داك..@

طارق أبوقرون
12-06-2010, 08:47 AM
أحمد المجاهد أخد ليهو بكية يوم داك..@

ما باركت ليهو

نزل العضو الدلقان مرة أخرى

داخـــل النص/ البكى من الدلقنة واللا الشاكووش ..

الطيب ابوقرون
12-06-2010, 08:49 AM
هاهاهاهاهاهاهاها

انس البازل
12-06-2010, 08:51 AM
بيني وبينك من الهناي......@

طارق أبوقرون
12-06-2010, 08:55 AM
ما كنت قايلك الهناي

على العموم انت الهناي

الطيب ابوقرون
12-06-2010, 09:11 AM
يازوا ابقى وااااااااعي

انس البازل
12-06-2010, 09:14 AM
الجابلي أخبارو قالو البكي أزي عيونو....@

الطيب ابوقرون
12-06-2010, 09:22 AM
لسه ما شاف حاجة
دي المراحل الأولى

انس البازل
12-06-2010, 09:29 AM
دي ثمحة...لكن القطار صعب صعب صعب شديد..@

مصطفي علي
12-06-2010, 12:20 PM
لا حولاااااااااا

شكلو الفاتني كتير شديد

دقيقه بس أخد لي

لفه و أجي ارد عليكم

مصطفي علي
12-06-2010, 12:30 PM
هاهاهاهاهاهاهاها

واااااااااااي أنا

أحححححححححح جدن

شوفو الطيوب ببكي كيف

هاهاهاهاهاها

دا بكي يا أخوانّا

والطير يضحك مذبوحاً

من الألمِ

و الله صدق الشاعر

أححححح شديد

الطيوب أبكي عديل ياااخ

ما تقعد تفرفر ساااااااااااي

و ما تخجل الناث دي كلها

ممكونه بث بتبكي عشان تتنفس

واااااااااااااااااااااع

م ح م د
12-06-2010, 07:39 PM
لسه ما شاف حاجة
دي المراحل الأولى

دي ثمحة...لكن القطار صعب صعب صعب شديد..@



حالتكم صعبه خلاص ,,, لكن تستاهلو مفلسين وبتقولو بتحبو وكمان بعيد ...مش يدوكم شواكيش ,, يضربوكم بمرزبه عديل

عبد الحليم عبد الرحمن
12-06-2010, 09:03 PM
شايف الجعير كتر اليومين دي ياموصطيف

انس البازل
12-06-2010, 09:49 PM
‏ ياحليم بكي شديد طبعا...!!!

طارق أبوقرون
12-06-2010, 09:59 PM
يا جماعة هوووي

الحاصل شنو ياخي ما ممكن

صوت الجعير والكوركــ دا حمانا النوم

دا شنو ياخي لا بتقيفوا نهار لا ليل

الكتراااابل منكم ،،

مصطفي علي
12-07-2010, 09:16 PM
شايف الجعير كتر اليومين دي ياموصطيف



أحححححححح جدن جدن



عبدالحليم



ياخوي ما تخجل



أبكي ساااااااي



كان كتمت بت طرشق



كلنا قعد نبكي



كااااااااااااااااااااااااك



إنزيك ياخ



شوك الشووووووق



تحيااات كتارااااات

انس البازل
12-07-2010, 10:00 PM
الليله مافي بكي .....لكن شايف في ناس كشفو وطلعو...@

مصطفي علي
12-07-2010, 11:44 PM
يا جماعة هوووي

الحاصل شنو ياخي ما ممكن

صوت الجعير والكوركــ دا حمانا النوم

دا شنو ياخي لا بتقيفوا نهار لا ليل

الكتراااابل منكم ،،




أبو الزفت ظاتو





كااااااااااااااااااااااااك



إتا آطارق قاعد تبكي تحت البطانيه

و للا نشو ؟


وك وك وك وك

واااااااااااااااااع


إشتياقاات كتارااااات

مصطفي علي
12-07-2010, 11:48 PM
الليله مافي بكي .....لكن شايف في ناس كشفو وطلعو...@



و الله يا أنس



أنا هسا



العبره واقفه لي في حلقي



و الدموع خليها ساااااااااي



أبو الزفت ....!



بكي شديد طبعن



أحححححح جدن جدن

الطيب ابوقرون
12-08-2010, 01:49 PM
ماشي أجيب لي صورة واجي
عشان ابكي بي مزااااااااااااج:eek::eek::eek:

انس البازل
12-08-2010, 01:59 PM
كدي يابوعلامة أخدت ليك بكية....@

م ح م د
12-08-2010, 02:00 PM
يامصطفى قدر ماقلت احصي الجماعه غلبني , كتار شديد وفي ناس بلخبطوني في العد مامتوقعهم هنا ,,,
كان عندك طريقه مدني بااللسته ,امكن نلقى ليهم حل

م ح م د
12-08-2010, 02:03 PM
كدي يابوعلامة أخدت ليك بكية....@


الببكيني شنو ,,انا بجي هنا عندي ناس بواسيهم بس وبخفف عليهم :p:p:p انا مابجازف عشان اصل مرحله زي دي :):):)

الطيب ابوقرون
12-08-2010, 02:05 PM
حلك دا ما بتلقاهو بي جاي يا ابوعلامه
الحل عندها هي;);)
عشان كدا اخد ليك بكية وأتخارج

انس البازل
12-08-2010, 02:08 PM
كلامك صاح يا الطيوب ...الزول دا داير يبكي لكن خجلان شوية....@

طارق أبوقرون
12-08-2010, 02:25 PM
أسمعوا قصة أبو علامة الشهيرة مع الأصمعي:

أبوعلامة:
أيا معشر العشاق بالله خبروا =إذا حل عشقا بالفتى كيف يصنع

الأصمعي:
يدارى هواه ثم يكتم سره = ويخشع في كل الأمور ويخضع

أبوعلامة:
فكيف يداري والهوى قاتل الفتى=وفي كل يوم قلــــــبه يتقــــــــطع

الأصمعي:
إذا لم يجد صبراَ لكتمان سره =فليس له شئ سوى الموت أنفع

طارق أبوقرون
12-08-2010, 02:33 PM
يومداكــ ماشي بالشارع وسامع ليك أبو الطب يدندن ويبكي ويجعر :

مات الهنا قبال يتم اول سنة
وانا كنت زي الما مصدق في هواك يصبح ضنا
لكني جيت بي القي النهاية المحزنة

سلاماااات أبو الطب ،،

الطيب ابوقرون
12-08-2010, 02:39 PM
إن شاء الله ربنا يشفيك يا طارق
كلو من .........................

م ح م د
12-08-2010, 02:48 PM
أسمعوا قصة أبو علامة الشهيرة مع الأصمعي:

أبوعلامة:
أيا معشر العشاق بالله خبروا =إذا حل عشقا بالفتى كيف يصنع

الأصمعي:
يدارى هواه ثم يكتم سره = ويخشع في كل الأمور ويخضع

أبوعلامة:
فكيف يداري والهوى قاتل الفتى=وفي كل يوم قلــــــبه يتقــــــــطع

الأصمعي:
إذا لم يجد صبراَ لكتمان سره =فليس له شئ سوى الموت أنفع



ثم اسمعو قصته مع طارق العاشق الاون لاينابي الكبير :


أبوعلامة:
أيا معشر العشاق بالله خبروا =إذا حل عشقا بالفتى كيف يصنع

طارق :
تذلل ثم اصبر عليه فانه = للشوق نارا حرقنتي وقلبيا

أبوعلامة:
فكيف يداري والهوى قاتل الفتى=وفي كل يوم قلــــــبه يتقــــــــطع

طارق :
لاتخجل فانني ابكي دائما = فغير دمعي لم اجد مواسيا

انس البازل
12-08-2010, 02:50 PM
‏ الايام دي البكي سخن سخانة جد...@

طارق أبوقرون
12-08-2010, 02:54 PM
لكن يا جماعة أبو علامة غلبني بالسطر التالي:
حان الزفاف وانا حالي كيفن بوصفو
ياريت هواك لي ماانقسم ولا قلبي ريدك يعرفو
قالواالبعيش ياما تشوّفوا
تشقيه بي فرقه عزيز بالحسره ريقو تنشفو



وجا أبو الطب واكتسح الساحة بقوله:
ودعني ومتل الخرز نزلن دميعاتو
مالك ياقلبي مرجعني لي ليلا طويل مابتكمل حكاياتو

مصطفي علي
12-08-2010, 03:20 PM
إن شاء الله ربنا يشفيك يا طارق
كلو من .........................



النقط دي فيها إنّ



قول إسمها ساكت يا فرده



و للا ما بتقدر



عشان الشاك وكدي



أحححححح جدن جدن



خلاث النقط عرفنا ستها



وااااااااااااااااااع

مصطفي علي
12-08-2010, 03:26 PM
ماشي أجيب لي صورة واجي
عشان ابكي بي مزااااااااااااج:eek::eek::eek:



ديشااااااااااااااااك

إتا آآ زول متوّك تب

ثمح ما تنسي المناديل

(المناديل و الصور)

وااااااااااااااااااع

مصطفي علي
12-08-2010, 03:29 PM
يامصطفى قدر ماقلت احصي الجماعه غلبني , كتار شديد وفي ناس بلخبطوني في العد مامتوقعهم هنا ,,,
كان عندك طريقه مدني بااللسته ,امكن نلقى ليهم حل



خليهم مستورين يا مولانا

حقيبة الشواكيش مزروده جنس زرد

الحل يا سيدي

نعمل مشروع زواج جماعي

عشان نحل موشكلة الشواكيش دي

أو كمان

تشوف لينا فتوي توقف بيها الشواكيش

قلت شنو يا شيخنا ؟

م ح م د
12-08-2010, 08:32 PM
[quote=طارق أبوقرون;72728]لكن يا جماعة أبو علامة غلبني بالسطر التالي:
حان الزفاف وانا حالي كيفن بوصفو
ياريت هواك لي ماانقسم ولا قلبي ريدك يعرفو
قالواالبعيش ياما تشوّفوا
تشقيه بي فرقه عزيز بالحسره ريقو تنشفو




لكن ردك كان اقوى ياطارق لمن قلت :
للحب ناراتضوي الليالي المظلمه
حراقة تشوي الوجوه السالمه
احذر ..فاني اراك قطة مغمضه
واسال مجربا ..كي لا تبكي الدما

م ح م د
12-08-2010, 08:37 PM
خليهم مستورين يا مولانا

حقيبة الشواكيش مزروده جنس زرد

الحل يا سيدي

نعمل مشروع زواج جماعي

عشان نحل موشكلة الشواكيش دي

أو كمان

تشوف لينا فتوي توقف بيها الشواكيش

قلت شنو يا شيخنا ؟



خلاص يازول يكون مشروع اون لاين القادم ,,, ومولانا قاعد ,,, يعقد بس ..وانا شاهد اول , شوفو الشاهد التاني وابدو على بركة الله

انس البازل
12-08-2010, 08:50 PM
‏ يابوعلامة سيب البكي....!!@@@

م ح م د
12-08-2010, 09:37 PM
‏ يابوعلامة سيب البكي....!!@@@

انا ماببكي لكن اي زول ماداير يبكي... يسمع نصيحتي دي كويس .. فتح اضانك ياطارق والطيب ومن هو على شاكلتكم ...

البنت زي ثمره جوز الهند.. قشرتها ناشفه وقويه.. وقلبها ضعيف وجميل .. وعلشان توصل قلبها, لازم تكسر راسها

الطيب ابوقرون
12-09-2010, 08:09 AM
لالالالالا
إنت يا ابوعلامه معناها محترف
لأنو الكلالم دا ما بعرفوهو إلا .................;);)

انس البازل
12-09-2010, 08:34 AM
مابعرفوها الا البكايين الكبار...@

الطيب ابوقرون
12-09-2010, 08:44 AM
بسسسسسسسسسس
ياها ذااااااااااتها يا خال;)

انس البازل
12-09-2010, 09:10 AM
لقيتني كييييييييييف.....@

الطيب ابوقرون
12-09-2010, 09:14 AM
معلللللللللللللللم كبير
وكوتشينغ على أعلى مستوى;);)

انس البازل
12-09-2010, 09:18 AM
احم احم احم احم احم احم احم....
‏ لكن ابوعلامة دا كمل المناديل ست..@

طارق أبوقرون
12-09-2010, 09:28 AM
البنت زي ثمره جوز الهند.. قشرتها ناشفه وقويه.. وقلبها ضعيف وجميل .. وعلشان توصل قلبها, لازم تكسر راسها



لا والله كلام زي دا ما سمعت

خبيـــ،،،ـــر يا أبو علامة

الطيب ابوقرون
12-09-2010, 09:32 AM
إنت شفت حاجة يا طاقو
كدي اصبر بس
الزول دا حيجيب مقالات كبار تاني

طارق أبوقرون
12-09-2010, 09:58 AM
الكترآآآبل

وينك يا ود حامد أظهر وبآآآن عليكــ الشواكيش ،،
:cool:
:p

انس البازل
12-09-2010, 10:12 AM
كدي أنشوف أخرتا يابوعلامة....!!!

ودالشويه
12-09-2010, 10:29 AM
والله ماشاء الله شايف ابوعلامه مواظب شديد اتو وقت ماقدر الشواكيش البوديكم تحبو شنو قال اجي مولانا ويعمل زواج جماعي ياخي نحن صابرين البصبرك انت شنو والله شكلك مضروب سعودي وسوداني كان الله في عونك ياابوصطيف الحق ابوعلامه ممكون تب قال زواج جماعي والله المرحله دي لسه ما وصلنها

انس البازل
12-09-2010, 10:38 AM
‏ إستب باي إستب ياودالشوية علي الزول دا....جبيل قال ماعندو شغلة بالمواضيع d:d‎!d:d:d:d:d:d:d:d:d::dd

طارق أبوقرون
12-09-2010, 12:23 PM
لا والله أبو علامة طلع

أستآآآآآآآآذ

م ح م د
12-09-2010, 04:02 PM
لالالالالا
إنت يا ابوعلامه معناها محترف
لأنو الكلالم دا ما بعرفوهو إلا .................;);)

مابعرفوها الا البكايين الكبار...@

بسسسسسسسسسس
ياها ذااااااااااتها يا خال;)





عرفتوووووووووووووووو كييييييييييييييف ؟؟؟؟؟؟:rolleyes::rolleyes::rolleyes:

مهندس محمد شدو
12-09-2010, 04:52 PM
والله عندكم حاجات عجيبة يا ناس قدر ده انتوا بكايين
دايرين واحد بكااااااااااااي ابكي لينا شديد لمن نبكي معاهو

مهندس محمد شدو
12-09-2010, 04:55 PM
عرفتوووووووووووووووو كييييييييييييييف ؟؟؟؟؟؟:rolleyes::rolleyes::rolleyes:



انا شايف الناس ديل عاملين عليك هجوم شديد خلاس انت مالك الحاصل عليك شنو؟

م ح م د
12-09-2010, 05:00 PM
انا شايف الناس ديل عاملين عليك هجوم شديد خلاس انت مالك الحاصل عليك شنو؟


الحاصل ياباشا انه الجماعه كلهم اختفو فجاة سالت منهم قالو لي بتلقاهم هنا ,,,, قالو ستين يمين جاي تبكي ,,, الباكي ليها شنو ديل باالله مامجانين ..

الطيب ابوقرون
12-10-2010, 08:27 AM
بتقول لوحدك آه وبقول لوحدي آه وبتتسمع وحدة
تبكي عيني عليك تبكي على عينيك هي دموع وحدة

مصطفي علي
12-10-2010, 10:21 AM
بتقول لوحدك آه وبقول لوحدي آه وبتتسمع وحدة
تبكي عيني عليك تبكي على عينيك هي دموع وحدة




أقبوووض
ألفونا بالمناديل
احححح شديييييد
***
ما قلنا ليك الحب الحب عذاب
قاسي وصعيب ما بتحملو
ما رضيت كلامنا و مشيت براك
أهو دا العذاب استحملو
‏*‏**
الطيب بكيتنا معاك ياخ
تهئ تهئ تهئ

انس البازل
12-10-2010, 05:21 PM
النيو سنو.......@@

الطيب ابوقرون
12-11-2010, 01:40 PM
يا ابوصطيف الحل شنو؟؟؟

انس البازل
12-11-2010, 02:36 PM
.....
‏ ‏ ......
‏ ‏ ......
.....
‏ ‏ ......

ودالشويه
12-11-2010, 03:42 PM
ياجماعه هوي اي زول مشوكش جديد امشي لي عمو طارق اوخالو مصطفي باعتبارون اقدم ..

انس البازل
12-11-2010, 07:21 PM
ياو الشوية كلامك ثمح تب ومابنزاااااااااد...@@@

الطيب ابوقرون
12-12-2010, 07:22 AM
ياجماعه هوي اي زول مشوكش جديد امشي لي عمو طارق اوخالو مصطفي باعتبارون اقدم ..



والله صدقت يا ودالشوية
ديل محترفين على مستوى عالي

مصطفي علي
12-12-2010, 02:29 PM
خط احمر ونقطه واقيف
لانو كرامتى فوق ريدك..
وما ح اقبل اكون فى يوم بحبك ولعبه فى ايدك..
ولو فاكر هواك سيدى فعزة نفسى سيد سيدك..
أححححححح جدن
خط أحمر ونقطه واقيف
وما تغتر عشان بهواك..
واوعا تقول ح اموت بعدك
لانى حاعيش معاك وبلاك..
وقلبى الشارقو بى شوقك
بكره بيطيب واكيد بينساك..
أحححححح شديييد
خط احمر ونقطه واقيف
ولاحظ بس كلامك لى..
وخت نفسك مكانى وشوف
و...اكيد حتقول كفايه على..
ح تلقى الباقى من ريدك
قلب مجروح ومذلول بى


ثنا يا أنا

مصطفي علي
12-12-2010, 02:35 PM
ياجماعه هوي اي زول مشوكش جديد امشي لي عمو طارق اوخالو مصطفي باعتبارون اقدم ..

واااااااااع
الفيك بدربو و طارق و مصطفي أحقربو

أنا بعترف أخدت 3 بس إنت أخدت كم ؟
وااااااع اسحن تعترف بي التزعه شواكيش
قبال نفت الشمار هوع هوع
فشنو أمسك دربك و أختا دربي
ودالشوية
قوم لف يااااخ
و الله أديك كدا هسي

مصطفي علي
12-12-2010, 02:39 PM
ياجماعه هوي اي زول مشوكش جديد امشي لي عمو طارق اوخالو مصطفي باعتبارون اقدم ..

والله صدقت يا ودالشوية
ديل محترفين على مستوى عالي



هوووووي و تاني هوووووي
القطيعه حرام و القبر لي قدام
ثمح أصبرو لي
أنمشي أجيب نبلتي و أجيكم
الليله أمعطكم جنس معط
واااااااااااع

الطيب ابوقرون
12-12-2010, 02:43 PM
تشااااااااو

طارق أبوقرون
12-12-2010, 02:48 PM
ياجماعه هوي اي زول مشوكش جديد امشي لي عمو طارق اوخالو مصطفي باعتبارون اقدم ..

ياو الشوية كلامك ثمح تب ومابنزاااااااااد...@@@

والله صدقت يا ودالشوية
ديل محترفين على مستوى عالي



هوووووووووووي أبقوا واعيين ،،

قبال أفكــ الأتو كلو ،،

مصطفي علي
12-12-2010, 02:52 PM
تشااااااااو



الشرااااااال
تزوغ
أحي أنا يا الرز المفلفل
هسي دا جنسو شنو
سلام و للا عطسه بلاي ....!

الطيب ابوقرون
12-12-2010, 02:52 PM
يا زول فك أي حاجة

الطيب ابوقرون
12-12-2010, 02:55 PM
الشرااااااال
تزوغ
أحي أنا يا الرز المفلفل
هسي دا جنسو شنو
سلام و للا عطسه بلاي ....!





هاهاهاهاهاها
نو كومنت

طارق أبوقرون
12-12-2010, 02:56 PM
البلل

دا شغل بلوتوث سااااي

الخرااابل :p